Tap & Go 预付 MasterCard iOS 都用得

Tap & Go 预付 MasterCard iOS 都用得

HKT 推出早前 Tap & Go「拍住赏」专用 SIM 卡,将手机变成电子钱包,不过因为要配合NFC 功能使用,只受 Android 用户玩,未有 NFC 功能嘅 iOS 用户只能望门兴叹。但唔紧要,因为今日起,Tap & Go 推出埋实体卡,喺所有 MasterCard Paypass 感应器上啪一啪都一样可以畀钱,连接 iOS 手机 App 后等于 iPhone 都用到;仲不限你用咩台,就算非 csl. 及 1O1O 用户都一样可以用。

Tap & Go 预付 MasterCard iOS 都用得

要申请 Tap & Go「拍住赏」,就要準备定三宝:身分证、手机电话号码同住址证明,然后去香港电讯、csl. 及 1O1O 各专门店,入好晒资料、签个名、验证埋身份,就可以免费登记拎卡。张卡属预付卡,外表同信用卡非常似,一样有 16 位卡号码、CVC 验证码、到期日同签名栏,仲有晶片同 QR Code,但就冇卡主姓名。之后再下载专用嘅 iOS 或 Android App,就可以即时当电子钱包咁用,睇到余额、交易纪录、优惠 QR Code 等等。

成个登记过程都唔算耐,不过填好多个人资料,登记又填开 App又填,净係身分证号码都入不下三次,真係填到女版主头都大埋。每个人凭一个身分证号码,最多可以申请五张 Tap & Go 卡。而首次申请服务,其 Tap & Go 帐户就可获赠 $50;但同一身分证号码名下第二个登记嘅号码,就冇得送啦。

Tap & Go 预付 MasterCard iOS 都用得

Tap & Go 其实同 MasterCard PayPass 类似,不论係 SIM 卡定实体卡,都一样可以喺所有接受 MasterCard PayPass 嘅商户,拍一拍读卡器就畀到钱。畀钱嘅时候唔一定要开住手机App,亦唔需要使用数据。不过要记得,张卡有MasterCard Logo 喳,但并唔係信用卡,要先去香港电讯、csl. 及1O1O 各专门店或 7-Eleven 增值,亦可以申请用大新银行信用卡增值,之后先可以用。

Tap & Go 预付 MasterCard iOS 都用得Tap & Go 预付 MasterCard iOS 都用得

下载完 Tap & Go App,首次登记时都要再输入个人资料,同扫描卡背 QR Code 进行配对。

Tap & Go 预付 MasterCard iOS 都用得Tap & Go 预付 MasterCard iOS 都用得

服务主要同零售商户合作提供优惠,例如 759 阿信屋嚟紧星期五就会有 6688 折,而 PCC 买咖啡就减 $5。

有人问,咁同八达通有乜分别呀?除咗方便 iPhone 用户使用流动付款,Tap & Go 亦伙拍多间零售商推出优惠,包括 759 阿信屋、太平洋咖啡等等,付款时出示手机上的 QR Code,就可以获得优惠,唔记得带会员卡都得(不过就要带埋 Tap & Go 卡啰)。Tap & Go 也设有「拍还拍」功能,可以透过 NFC 过数畀另一个电话号码嘅帐户,食完饭同 Friend 夹钱就可以唔使数神沙。另外张卡可以用嚟网上购物,概念同你去买点数卡雷同,都係预付卡;只要网购平台接受 MasterCard,就可以用嚟网购,就算你冇信用卡都可以轻鬆网购咁啰。不过Tap & Go 只接受 18 岁以上人士申请,未够秤的话都係要谂办法。

Tap & Go 预付 MasterCard iOS 都用得Tap & Go 预付 MasterCard iOS 都用得

安全性方面,用户可以自行透过 App 密码,保护手机钱包同交易纪录;网上付款同实体卡功能亦可以随时关闭,万一唔见咗张卡,都可以立刻停止张卡嘅功能,减少损失。

上一篇: 下一篇: